Біз туралы: Қазанғап Тілепбергенұлы атындағы Шалқар ауданының саз мектебінің іргетасы 1972-73 оқу жылында қаланған. Қазақстан Республикасының  Үкіметі Қаулысының 01.11.1996 жылғы  № 1346 бұйрығымен Ақтөбе облысы Шалқар ауданының аудандық  балалар музыка мектебіне қазақтың қасиетті күй өнерінде өзгеге ұқсамайтын өзіндік қолтаңбасы бар, кейінгі ұрпаққа орындаушылық шеберлігі мен бай мұрасы қалған ұлы күйші, жерлесіміз, композитор Қазанғап Тілепбергенұлының есімі берілді. 2011 жылы "Қазанғап Тілепбергенұлы атындағы Шалқар ауданының саз мектебі" мемлекеттік коммуналдық қазынашылық кәсіпорны болып өзгертіліп, қазіргі таңда Ақтөбе облысы әкімдігінің 23 желтоқсан 2020 жылғы №469 қаулысымен «Ақтөбе облысының білім басқармасы Шалқар ауданының білім бөлімі» мемлекеттік мекемесінің «Қазанғап Тілепбергенұлы атындағы Шалқар ауданының саз мектебі» мемлекеттік коммуналдық қазыналық кәсіпорын болып қайта бекітілді.

Балалар мен жасөспірімдердің шығармашылық дағдыларын дамытуға, жалпы тарихи-мәдени, рухани құндылықтарымызды насихаттауға,қосымша білім мен тәрбие беру саласының үздік ұстанымдарын негізге ала отырып, тұлғаның өзіндік дарындылығын дамыту,қабілетін нығайту,өз бетімен жұмыс жасауына жағдай туғызуды басты мақсат еткен балалар музыка мектебінің балаларға қосымша білім беру саласындағы алар орны ерекше.

Еліміздің өнері мен мәдениетін арттыруда,болашақ өнерпаздардың шеберлігін шыңдау жолында нәтижелі жұмыс жасап, жас ұрпақ өкілдеріне музыка өнері саласында талантты, қабілетті,  музыкалық сауатты,  дарынды  балаларға  тәрбие мен сапалы білім беріп келе жатқан Шалқар ауданының Қазанғап Тілепбергенұлы атындағы саз мектебі.

Мектептің міндеттері мен мақсаттары:

• Балалардың тұлғалық дамуына, денсаулығын нығайтуға кәсібилігін анықтауға, шығармашылық еңбегін дамытуға қажетті жағдайды қамтамасыз ету;
• Балалар мен жастар ұйымдары арқылы мағыналы демалыс ұйымдастыру, қоғам өміріне бейімдеу;
• Жеке тұлғаның шығармашылық мүмкіндігін дамыту, жеке даму жағдайын құру жолымен интелектіні байыту;
• Мәдени-жаппай шаралар арқылы олардың мағыналы демалуын ұйымдастыру, білім беру ұйымында кейінгі деңгейде оқуды жалғастыру үшін бастауыш бейімдік дайындау, бастапқы музыка білімін беру бағдарламаларын игеруге жағдайлар жасау,оқушыларды музыкалық колледждер мен жоғары оқу орындарының музыка факультеттеріне түсуіне даярлау;